2022-04-29 16:03:34
作者：唐位位
改编、朗读：麦小姐
图片：唐厂长
[上海话改编]
辣阿拉学堂操场个边边头，偷偷叫长了一片荠菜，野生个，风餐露宿，低调可爱，就迓辣还来勿及清爽个杂草堆里。初秋辰光，当中有几棵比较“心急”，屏勿牢先开出了绿中带白个小花，搿能一来就醒目了。哦哟，远看末稀零晃浪，跑近了一看，还真勿少唻！
同事里个识货朋友一记头就扎劲起来，讲啥荠菜花假使开了，搿菜就老了，要手脚快眼抢辣伊老脱前头尝尝鲜，搿种鲜啊，恨勿得连舌头也好开出花来。伊一面讲，一面组织阿拉集体去挑荠菜。开花个覅，要拣嫩头，挖起来个辰光，根浪向个烂泥还是湿嗒嗒个，拿辣手里甩一甩，烂泥落下来，显出细白个根须，仔细看，菜叶个嫩头浪向，露水还呒没干透，亮晶晶，怯生生，像少女个香汗，吊足了“馋痨坯”个胃口。
阿拉几家头挑着了小半篮荠菜，稍许拣拣弄弄，汏汏清爽，就拿到食堂里开小灶去了。也用勿着大排落场，介新鲜个菜，直接加点粳米烧了一镬子粥。真叫香噢！可惜我只有挨着闻味道个份，刚刚跑开一歇歇，伊拉就拿粥分光了，连眼脚脚头也呒没挺拨我。
又过了几日，荠菜花侪陆陆续续开出来了，好比是满天星勿当心落勒草地浪，交关有童话感。我好白相去采了一大把，多到两只手也差点挜勿牢。回去之后，寻了只透明玻璃瓶拿伊拉插好，倒点清水进去，有水泡泡氽起来，还有几沰水花灒到花瓣高头，显得野趣灵动，呒没成心卖弄姿态来讨好啥人，勿欺生，也勿怕陌生。
搿个是我欢喜个气质。
我埃趟仔因为慢了一脚呒没吃着野菜粥，心里向一直牵记勒盖，赛过像错脱了样老难得个物事。外加我总觉着，搿只味道应该脱我小辰光吃过个味道是一样个。为了搿口荠菜香，我等啊等，等畅等畅，终于等到伊又上市了，搿记我板要拿伊吃吃称心再算罢。不过也勿晓得为啥，是烧个问题呢？还是菜个问题？又或者是舌头勿灵光了？随便我哪能弄法，就是吃勿出老早个味道来了。
我小辰光老怕吃一样物事个，是埃种当中拨揿过只瘪塘个实心糯米团子，我阿奶叫伊“瘪嘴团”。埃歇辰光，我还勿欢喜一个乡下亲眷，伊常庄来阿拉屋里白相，但伊讲个无锡言话脱我爷爷阿奶讲个勿大一样，口音更加重，当中夹了交关老言话，我觉着有眼“巴”。我搿个乡下亲眷有只大手，大概伊认为搿是张蛮扎台型个事体，欢喜到处去脱人家比，脱大人比比末也就算了，还来脱我一个小姑娘道比，真是烦煞人！有趟我实在屏勿牢了，一本正经个帮伊讲：“我顶顶勿欢喜侬了，因为侬长了忒难看！”伊听了倒也勿呴，反而笑嘻嘻个讲要请我吃馄饨，然后弯下腰，拿只耳朵[亻宠]过来挺我咬。哈，搿耳朵哪能脱馄饨长了介像个啦？！我笑也要笑煞快了！
伊有辰光会帮阿拉拿点糯米粉来，阿奶倒正好用得着，豪[忄叜]烧开水[扌肉]面粉搓团子。葛末为啥是搓“团子”而勿是“圆子”呢？因为伊拉两家头个模子是勿一样个。团子明显要大两廓，老早点心店里侪有得卖个，基本浪向吃个两只也就差勿多了，到第三只啊，就算侬再欢喜末了，心里想吃，嘴巴想吃，但只胃答勿答应，侬就要脱伊商量商量再讲了。
我阿奶搓个，就是搿种大只头个团子，外加还是实心个。搓好之后，宝贝勿煞个托辣左手个手心爿里，用右手大拇指对牢团子中心用足力道揿下去，光揿还勿够，还要抳一抳唻，乃末，一只“瘪嘴团”再算做成功。阿奶一头搓团子，一头脱埃个亲眷扯东扯西。我也弄勿懂，为啥阿奶一帮伊讲言话，搿声音末也轻了，语速末也快了，最让我头浑个是，伊一口我听习惯个“无锡上海言话”，哪能也变得脱埃个人一样了！赛过像辣讲外国话。讲法讲法，阿奶有辰光会拿面粉团摆下来，拿起椅背高头搭勒盖个毛巾揩一揩眼睛。
炉子浪还炖了一镬砂锅鸡汤，用饭勺拷一眼到小个钢宗镬子里向，然后就开始化团子了。水开了，发出“郭嘟郭嘟”个声音，蒸汽从镬盖缝缝里钻出来，[扌枭]开盖头，看到两只团子涨了更加大了，颜色也更加白，白了圈边也看勿大清爽，有点像洇过水个宣纸。搿辰光，阿奶从竹头淘箩里挜起一把汏了水淋淋、[赞刂]了绝绝细个荠菜叶子撒到镬子里一道烧，一歇歇功夫，荠菜个清香就朝侬鼻头里钻了。
但我老勿欢喜吃搿种实心团子个，吃上去一嘴巴个糯米粉，肚皮里末一眼花头也呒没，像只大木戆一样，味道淡刮刮，还有点苦几几，我吃勿来，容易打恶心。不过我欢喜撩鸡汤里向个荠菜叶子。阿奶做人家，勿许我挑食，规定我板要拿碗里向盛个团子吃光。我胆子也蛮大个，勿睬伊，还从阿拉爷埃搭“批发”了句言话来还拨伊：“阿奶啊，侬硬劲逼我吃，就是勿讲道理，就是‘强盗逻辑’！”“乡下亲眷”大概是呒没做好心理准备，听我搿能一讲，推扳眼拿一嘴巴个糯米粉也喷出来！伊讲，侬哪介洋盘个啦，搿能好吃个物事，又有嚼头，侬嚼法嚼法末，搿甜味道就出来了呀！既然伊介懂品味，葛末我索介就请伊来帮记忙，趁阿奶跑开个辰光，我拿自家吃勿脱个团子侪搛到伊碗里向去了。伊倒也蛮上路个。作为交换条件，我撩光了伊碗里个荠菜叶子。
可能是团子吃多了，伊看上去有眼热，拿节头骨[力乚]到中山装个领圈里敨了一敨，但纽子一粒也呒没解，连得风纪扣也呒没松开来。阿奶从楼浪向下来，拿来几张全国粮票拨了伊，伊也勿响，空出一只手去接，接过来就囥到标袋里去了，还当心好勿让粮票弄卷脱，然后拿袋袋高头个纽子纽好。
现在我难般还会得想起伊，后来我晓得了，伊是我爷爷个过房儿子。我总归讲伊难看，阿拉爷倒勿搿能想，伊讲伊搿个“过房兄弟”卖相绝对勿推扳个，甚至用“相貌堂堂”四个字来形容伊也勿算过头。爸爸讲伊现在“书包翻身”做官了，当年伊来上海读书，也是伊拉埃搭少有个大学生，老勿容易个。不过，埃歇乡下头日脚勿大好过，尤其是口粮特别紧张。
我听爸爸搿能讲，自家也辣脑子里回放了一遍伊个样子，想重新评估一下伊个外貌。但是呢，我横想竖想，就是想勿起伊只面孔是哪能个了。不过，每趟只要想到搿个人，我个味觉记忆就会自动个搭到荠菜高头去了。
我自家用了点辰光来研究，到底我阿奶用无锡言话讲个“瘪嘴团”是阿里几个字呢？我相信，肯定是写得出个。就好比“着港”咾、“吃价”咾、“牵丝扳藤”咾，还有其他点上海言话里经常讲个词语，我侪寻到了脱伊拉对应个文字写法。葛末，“瘪嘴团”会勿会就是搿能写个呢？瘪进去个“瘪”，嘴巴个“嘴”，再加一个团子个“团”，搿只组合从读音到意思侪碰得拢了，除脱辣“美感”浪向稍为推扳着眼。
直到有一趟我辣《新民夜报》个副版高头看到“碧珠团”搿几个字，“碧”末是碧绿个“碧”，“珠”末是珠宝个“珠”。埃篇文章是一位资深吃客写个，看起来伊还脱我是同乡，否则哪能会有介像个吃食呢？外加搿两种写法，用江南吴语来读，音也是差勿多个。到底是文化人喏，伊用个搿两个字帮我个写法相比，明显是伊要文雅得多。“碧珠”，碧绿个菜叶当中，珍珠白个团子氽起沉下，我想想，，辣破庙里向吃着个“珍珠翡翠白玉汤”，也是用了搿能一记小聪明[口伐]。不过，埃位资深吃客写到个“碧”是碧绿生青个鸡毛菜，颜色好是好，吃口嫩归嫩，但讲到香，鸡毛菜哪能比得上野生个荠菜呢？
写到此地，我有点想念埃个我小辰光“勿欢喜”个过房爷叔了。因为伊告诉我，苦几几个糯米粉假使多嚼嚼，是会吃出甜味道来个。再反过来想想也是一样，如果啥个物事忒甜了，甜过了头，也是会发苦个。
编者后记：
搿是我第三次改唐位位老师个文章，每一篇我侪有种脱作者辣隔空对话个感觉。我真心欢喜伊个文字，从里向看得出伊本人个性格，勿骄躁勿俗气，像杯凉茶，况味甘苦；也像木香型个香水，勿一定板要啥个名牌，但有一种上海女人特有个清高与清爽辣里向。
今朝搿篇是关于“荠菜”个，文章里提到了一种叫“瘪嘴团”糯米吃食。唐老师拉阿奶是无锡人，齐巧我外婆也是无锡人，所以我屋里也会烧，外加我姆妈还来得个要吃。不过我屋里搓个“瘪嘴团”呒没介大，差勿多脱宁波汤圆搿能大小，实心，当中揿憋脱。搭唐老师一样，搿样物事，我也是老老勿欢喜吃个，嫌之伊既呒没漂亮个外表，又呒没有劲个灵魂。
我一头改文章，一头寻唐老师茄山河。原来阿拉两家头辣口味浪向也有交关共同点，真叫是有缘分啊，难怪会一见如故！好了，言话勿再多了，谢谢大家耐心听我读文章，阿拉下篇里向再会。
（20180314）
[原文]
我们学校的操场边缘，生有荠菜。野生的，躲在懒怠清除的杂草丛中。
初秋时候，有些长得快的荠菜忍不住就开出了小小的白花。这样，就引起注意啦。
这一发现，不得了，零零散散的，荠菜真不少呢。
赶紧，就有勤快的老师，像孩子一样地开心了。荠菜开花，就老了，得抢在她前面，说什么也要让舌尖鲜美出一朵花来才好。一棵又一棵未开花的荠菜，连带着湿润的泥土被起出来了，拿在手里抖搂一下，泥土散落开来，白细的根须露出来，晶亮晶亮的一粒粒针尖儿大小的露珠子在黄绿的嫩头上躲躲闪闪，可怜见儿的小样，只会愈加勾引食欲。洗洗，择择，就放在梗米粥里煮了。
那个香呀。
可惜，我一转身，就没了口福。
人家早就你一口我一口地啜完了那锅粥。
摘些荠菜花，一不小心，手里就满得拢不住了。
握一大把荠菜花，就握住了满天的星星。
眨眼功夫，满天野生的星星就长到透明的水瓶里去了，注了清水的瓶子冒着碎碎的气泡——被喂饱了水喝的满天星，慵懒得打着丰美的甜嗝儿。
那些花儿，水灵灵的，冒出了野生的香，腥涩涩的。
那一口没有吃到的荠菜粥一直惦记着我，没事就来烦一烦我，把我宁静的生活弄出些许的不平来。
我念着那一口野香！那一口野香，只有回到小孩时候才找得回来。
好久好久了，荠菜上市的季节，一次也不拉下地吃她，可怎么努力吃，都吃不出小时候的味道来。
那时候害怕吃一样东西，奶奶嘴里的“瘪嘴团子”。我也不喜欢一个经常到我们家来的人，他说的无锡话跟爷爷奶奶的不一样，更加土，夹杂了更多的俚语。他的手很大，还要“卖样”，拿来跟我小人儿的手比大小。我明确地告诉他：“我最不喜欢你。因为你忒难看。”他也不恼，还是笑，说要请我吃馄饨，然后，就矮下身子拿耳朵凑到我嘴边，让我咬。我笑死了，耳朵哪能长得和馄饨这样像？
他有时候会拿一米袋糯米粉来。奶奶就开始揉面团搓团子。为什么不说“搓圆子”呢？因为“团子”和“圆子”在形体上差别还不小。团子很大，你到点心店去吃汤团，两个下肚后，别想再吃第三个，即使你眼睛想吃，嘴巴想吃，心里想吃，可你的胃是坚决不会答应的！
奶奶搓的团子是实心的，每搓完一个，就要像宝贝似的，放在左手掌心里，再伸出右手大拇指，对准团子的圆心狠命揿下去，再原地旋转几转，就成了“瘪嘴团子”。奶奶一边搓团子，一边和那个人有一搭没一搭地说话，我不明白，奶奶为什么和他一说起话来，声音就变轻了，语速也快了，最要命的是我原本已经听习惯了的糅杂了上海口音的无锡话，也变得跟他嘴里的一模一样了，像听外国话一样。说着说着，奶奶会放下手里的面粉团，从椅背上扯下搭着的毛巾擦一擦眼睛。
炉子上炖有一沙锅鸡汤，用饭勺盛出一些到小钢精锅里，然后就开始下团子了。锅里“咕嘟咕嘟”滚开了，掀开盖，看见热气中的团子颜色更白了，个头也大了一圈，边缘虚浮浮的，像洇了水汽的宣纸。奶奶从竹编淘箩里抓一把洗得水淋淋，切得细悠悠的荠菜叶子，撒到锅里，一会儿，荠菜的野香味就扑到你鼻子里去了。
我讨厌吃那种团子，吃起来满口都是糯米粉，厚墩墩的，还苦苦的。不过我爱撩鸡汤里的荠菜叶子吃。奶奶强行推销，不许我把碗里的团子剩下一个来。我用从爸爸嘴里“批发”来的话提抗议：“硬劲让我吃，你这是强盗逻辑！”他听了差点把一嘴巴的糯米粉喷出来！他说这么好吃的东西呀，咬起来有劲呀，咬法咬法就咬出甜味来了呀！我就麻烦他帮我一记忙，他满够朋友的，趁奶奶上楼找什么东西去的时候，用竹筷把我碗里剩下的团子都搛过去了。作为交换条件，我撩光了他碗里的荠菜叶子。
他大概吃得热了，手指插进中山装的领圈，晃了几晃，却并不松开一颗纽子，连风纪扣都不放松。奶奶下楼来，把一些全国粮票递给他，他也不说什么，腾出一只手接过来，竖直了塞到上衣口袋里，小心地不让票子弄卷了角，然后把口袋上的纽子扣牢。
现在，我偶尔会想起他来，他是我爷爷的过房儿子。听到我说他难看，爸爸当即否定，爸爸说：“他卖相算好的，当得起相貌堂堂几个字。”爸爸说他现在当官了，当年他在上海上学，他是乡下少数的几个大学生中的一个，很稀奇的，不过，那时乡下日子有点难过，口粮有点紧。
我就想在头脑里回放一遍他的样子，想给他的样貌重新评估一下，可怎么努力，都想不起来他长什么样子。不过，只要一想起他来，我的味觉就停留到荠菜上去了。
我搜肠刮肚地想，奶奶用无锡话说的“瘪嘴团子”几个字，它的“元配”到底是谁？我相信，一定是有的。就好比“入港”、“吃价”、“牵丝攀藤”等上海话发音的词一样，我都一一给它们找到了可以相配的普通话写法。“瘪嘴团子”这几个字拼凑起来看上去形象倒是形象的，只是在“美感”方面欠缺一点。
直到有一次，在《新民晚报》副版上看到“碧珠团子”几个字，那是一个老饕写的，看起来他是我们同乡人，否则哪有那样相象的吃食？而且“碧珠团子”和“瘪嘴团子”用吴语来读，发音是一样的。到底是文化人，撷取的字眼那样贴切。“碧珠”，翠绿的菜叶中间，珍珠白的团子上下浮动，，在小破庙里尝到了“珍珠翡翠白玉汤”，那个起名的机智与此有得一比吧。只是那个老饕汤里配团子的翡翠是鸡毛菜，好是好，哪里比得过野生的荠菜呢？
我有点想念小时候“不喜欢”的那个人。
因为，他有本事把苦苦的糯米团子吃出甜味儿来。
（2013年2月）
我们近期还发过：
[麦唐作][麦唐白话]覅赖皮
[麦唐作]土豆泥
[麦唐作]写上海歌的郑耀华
[麦唐作][麦唐兴趣班]隑、伏、佮、轧
[麦唐作][麦唐白话]再见曹杨
[嘉人嘉音]一张馄饨皮的自述
[申请申音]写给母亲
[麦唐作]咸酸饭
[申情申音]卖粪人的那些事
[麦唐作][麦唐兴趣班]欱、渳、脗、酾
[申情申音]团圆，圆团
[申情申音]“三料分子”
【申情申音】本栏目以沪语朗读为主打，文字来源可原创，也可选取其他老师的优秀文章进行适度改编（尽量取得原作者的授意，如暂未能及时联络得上，也将尊重其原文著作）。
申音悠悠，好文共赏。
本公众号发布内容（包括音频及未注明“来源”的文字、图片）皆为原创，作者保留对作品的著作权。未经授权允许，不得擅自转载。
如有需要转载或其他工作邀约：
可添加微信号：Leslie_0207
或邮件：leslie_0207@163.com
多谢您的支持和欢喜！